NRK veit seinnapartin at siga, at fólk nú eru farin út á gøtuna í miðbýnum í Kherson við ukrainskum fløggum, og gleðin er stór.
Ukrainskir hermenn eru komnir inn í miðbýin í Kherson, og sagt verður, at her eru eingir russiskir hermenn longur. Teir eru flýddir.
Á stjórnarbygninginum í býnum veittrar ukrainska flaggið, eftir at Kherson-býur hevur verið undir russiskum ræði síðan tíðliga í krígnum.
Sagt verður, at bæði ukrainska flaggið - og ES-flaggið - seinnapartin hava veittrað í miðbýnum.
Ukrainska fregnartænastan váttar, at ukrainskir hermenn nú eru inni í miðbýnum í Kherson.
- Bæði myndir og video-brot eru á síggja í sosialum miðlum, sum vísa ukrainskar hermenn í miðbýnum, veit NRK at siga.
