Eldur er komin í heimskendu og søguligu Notre-Dame dómkirkjuna í París.
Tað er í skrivandi stund ikki greitt, hví eldur er komin í, men tað verður væntað, at tað kann hava nakað at gera við umvælingararbeiði á bygningin.
Hetta er ikki bara ein kirkja - hetta er hjartað av Fraklandi og franski stoltleikin, sum brennur.
##med2##
##med3##
Flammurnar síggjast týðiliga, og ein øgiligur roykur stendur úr tí annars vakra bygninginum. Eitt tjúkt roykskýggj hevur lagt seg yvir allan miðbýin, og støðan sær øgiliga kritisk út í mun til at bjarga Notre-Dame.
Alt økið rundan um kirkjuna er avsperrað, og sløkkiliðsfólk eru á staðnum og enn fleiri eru á veg.
##med5##
Hetta er ein sonn stórvanlukka, tí talan er um, at ein av týdningarmestu bygningunum í heiminum yvirhøvur nú stendur í ljósum loga.
Gothiski bygningurin er yvir 850 ára gamal og er í dag eitt súmbol uppá París. Fleiri túsund ferðafólk vitja Notre-Dame hvørt ár, og bygningurin verður í stóran mun roknaður sum franski stoltleikin.
##med4##
##med6##
