Noreg er millum heimsins fremstu hondbóltstjóðir, serliga tá um kvinnuhondbólt ræður, men manslandsliðið hevur staðið seg rættiliga væl seinnu árini.
Noreg verður saman við Slovenia og Pólandi mótstøðulið hjá okkum í innleiðandi bólki D, ið verður leiktur í týska høvuðsstaðnum, Berlin.
11. januar: FØROYAR - Slovenia
13. januar: FØROYAR - Noreg
15. januar: FØROYAR - Póland
Um at møta Føroyum 13. januar sigur norski landsliðsvenjarin, Jonas Wille við norska TV": - Vit koma at møta Føroyum, ið hevur tvey av heimsins fremstu hondbóltstalentum. Her sipar Jonas Wille til Elias Ellefsen á Skipagøtu og Óla Mittún.
Jonas Wille hevði vónað at sloppið undan Slovenia úr styrkisbólki 2, og hann heldur, at Póland er eitt lið sum er á veg uppeftir. Tí væntar Jonas Wille nakrar góðar og spennandi uppgerðir í bólki D.
