Í eini meiningakanning, sum norska kringvarpið hevur latið gjørt fyri juni mánað, gongur Høgriflokkurin aftur heili 2,3 prosentstig, men er framvegis størsti flokkur í Norra við 31,4 prosentum.
Tað er Norstat, sum hevur gjørt kanningina fyri NRK, og hon vísir eisini, at teir tríggir stjórnarflokkarnir Arbeiðaraflokkurin, Sosialistiski Vinstraflokkurin og Miðflokkurin tilsamans fáa 36,8 prosent av atkvøðunum, sum er ein framgongd upp á 1,2 prosentstig síðani mai.
Arbeiðaraflokkurin er næststørsti flokkurin í Norra við 27,5 prosentum, og triðstørstur er Framburðsflokkurin, sum nú hevði fingið 17,7 prosent av atkvøðunum, sum er ein framgongd upp á 0,5 prosent síðsta mánaðin.
