Innflytarar úr ES-londum í Eystureuropa fer at verða skjótast vaksandi fólkabólkurin í Norra fram ímóti ár 2100. Tað heldur norska hagstovan, Statistisk Sentralbyrå.
Í eini nýggjari frágreiðingin stendur, at talið á innflytarum í Norra fer at vaksa úr níggju prosentum í 2010 upp í 22 prosent í 2076, og síðani verður aftur ein minking niður í 21 prosent í 2100.
Bólkurin av fólki við bakgrund í eystureuropeiskum ES-londum fer at vaksa mest, frá 80.000 í 2010 til 730.000 í 2100, siga norsku hagfrøðingarnir.
