Norska Sjóferðslustýrið hevur skrásett fýra andlát í fyrra hálvári í ár, har fólk lótu lív í samband við arbeiði á sjónum.
- Allar hendingarnar fóru fram umborð í skipum, sum sigla undir norskum flaggi, veit Sjóferðslustýrið at siga.
Tvær av vanlukkunum hendu við farmaskipum, ein í fiskiskapi - og ein í ferðamannasigling.
- Vit arbeiða fyri, at eingin skal doyggja á sjónum.
Tað sigur virkandi stjórin í Sjóferðslustýrinum, Alf Tore Sørheim, sum vísir á, at tað, at fýra fólk higartil í ár hava latið lív, merkir, at lívið hjá fýra familjum er broytt.
Hann fegnast tó um, at pílarnir hava peikað rættan veg síðan 2020.
- Tað er positivt, at tølini yvir deyðsvanlukkur á sjónum minka, men vit arbeiða fram ímóti, at eingin doyr í sínum arbeiði á sjónum - heldur ikki við frítíðarbátum.
Hann sigur, at null-hugsjónin er samtykt av norsku stjórnini.
- Í Sjóferðslustýrinum eru vit í holt við at menna eina arbeiðsætlan við ítøkiligum tiltøkum fyri at minka um deyðsføllini á sjónum, sigur Alf Tore Sørheim.
Tað er www.skibsrevyen.no, sum ber hesi tíðindini og tøl um arbeiðsvanlukkur á sjónum við norskum skipum.
##med2##
