Norðurlandahúsið verður, leygardagin 23. mars, karmur um eitt spennandi og áhugavert ungdómstiltak við framløgum, tónleiki og kjaki, har tað at vera ungur í norðurlondum er á breddanum.
Norðurlandahúsið, NORA, Norrøna Felagið í Føroyum og Uttanríkis- og Vinnumálaráðið bjóða til ein seinnapart, har trivnaður í økinum, og serliga í útjaðaranum, er í fokus. Tilmælini, sum vórðu samtykt á Ungdommens Nordiske Råd í Oslo á heysti í 2023, leggja støði undir dagsins evnum.
Ung úr Føroyum, Íslandi og Danmark leggja fram um norðurlendskar samstarvsmøguleikar og skipanir, sum styrkja økið, og aftaná verður panelkjak.
Vit borðreiða við brellbitum, kaffi og køku.
- Norðurlandahúsið, Tórshavn
- Leygardagin 23. mars kl. 14.00-16.30
- Ikki er neyðugt við tilmelding
- Tiltakið er alment og ókeypis.
Skrá
| Kl. 14.00 | Vælkomin Bjarni Kárason Petersen, norðurlendskur samstarvsráðharri | |||
| Kl. 14.10 | Framløga: Tilmæli frá Ungdommens Nordiske Råd í Oslo – Gunnvá Winther, forkvinna í Framsøkin Ung | |||
| Kl. 14.25 | Framløga: Royndir frá Norðuratlantiska studentaflokkinum - Svava Þóra Árnadóttir, fyrrverandi næmingur úr Íslandi | |||
| Kl. 14.40 | Framløga: Nordjobb, ein starvsmøguleiki hjá ungum í norðurlondum - Jonas Okkels Sørensen, nordjobbari úr Danmark | |||
| Kl. 14.50 | Tónleikainnslag: Næmingar á tónleikabreytini á Nám X framføra | |||
| Kl. 15.00 | Steðgur og lætt ábit | |||
| Kl. 15.15 | Panel: Kjak millum ungar og eldri nordistar. Hvussu kunnu norðurlond blíva tað mest kappingarføra og integreraða økið, sætt frá einum ungum sjónarhorni. Panelluttakarar:
| |||
| Kl. 16.20 | Samanumtøka og takk fyri í dag | |||
| Norðurlandahúsið, leygardagin 23. mars kl. 14.00-16.30 Tiltakið er alment og ókeypis. | ||||
