Tað heldur í øllum førum suðurkoreanska fregnartænastan (NIS) út frá fylgisveinamyndum.
Sambært Suðurkorea fer Norðurkorea at senda eitt stórt tal av hermonnum til Russlands at stuðla landinum í stríðnum móti Ukraina.
Talan er um 12.000 tilsamans.
Sambært NIS fáa serdeildirnar venjing, og síðani verða tær settar á fremstu røð í krígnum móti Ukraina.
Ukraina sigur, at norðurkoreanskir hermenn longu hava stríðst á russiskari síðu.
Fleiri norðurkoreanskir yvirmenn vórðu eftir øllum at døma dripnir í einum álop í Donetsk í Ukraina fyrr í oktober.
/Ritzau/dpa/
