Sygeplejerskernes Samarbejde i Norden hevur í brævi til Felagið Føroyskir Sjúkrarøktarfrøðingar í dag boðað frá, at tey stuðla verkfallinum hjá felagnum. Harvið vísa tey sín fulla solidaritet við sjúkrarøktarfrøðingunum, ið eru í verkfalli.
340.000 norðurlendskir sjúkrarøktarfrøðingar eru limir í felagnum, og hesir standa saman við føroysku starvsfeløgum sínum í stríðnum fyri einum betri sáttmála.
