FÓLKAKIRKJAN
Dagurin verður hátíðarhildin sunnudagin 28. januar við hátíðarmessu kl. 12. Hans J. Joensen, biskupur, prædikar, og sóknarprestinum á staðnum, Emil Olsen, hevur altartænastuna. Síðani verður døgurði á Hotel Eiði fyri innbodnum. Kl. 17 verður gudstænasta við Bjarna Bæk, dómprósti. Hátíðarhaldið endar við felagsmáltíð í bygdarhúsinum, Eydnuni, á Oyrarbakka. Á heimasíðu fólkakirkjunnar verður m.a. upplýst, at kirkjan til føðingardagin hevur fingið eina slupp.
Stoypiarbeiðið til kirkjuna byrjaði annars á Mortansmessu í 1930.
Kirkjan varð bygd í eini tíð, har togan var um um kirkjumálið skuldi verða danskt ella føroyskt. Sama ár var tí fólkaatkvøða um skriftstøðini undir altartalvuni og úti í forkirkjuni skuldu verða á føroyskum ella á donskum. Úrslitið var, at 40 atkvøður vóru fyri føroyskum og 29 fyri donskum.
Hin 10. januar 1932 vígdi Jákup Dahl, próstur, kirkjuna.
Í seinni helvt av sjeytiárunum varð farið undir at umvæla kirkjuna og varð tá eisini bygt uppí til fundarhølið o.a. Harumframt varð forkirkjan vaksin og kapell bygt upp í suðureftir.
