Fólkaheilsuráðið hevur nú greinað tølini um matvanar hjá føroyingum úr stóru fólkaheilsukanningini frá 2019 “Hvussu hevur tú tað?”, har heili 3000 vaksnir føroyingar tóku lut.
Kanningin vísir eitt nú, at tey har norðoyingar eta oftast skerpikjøt.
57 prosent av fólki í Norðoyggjum siga, at tey eta skerpikjøt »hvørja viku til 1-3 ferðir um mánaðin«. Á øðrum plássi koma Sandoyggin og Suðuroyggin (56%), og síðani Vágoyggin (53%). Fólk eta í minsta mun skerpikjøt í Tórshavn, har 38% siga seg eta skerpikjøt »hvørja viku til 1-3 ferðir um mánaðin«.
Fleiri eldri fólk enn yngri fólk eta skerpikjøt. Av teimum í aldrinum 60-85 ár eta 60 prosent ofta skerpikjøt, meðan bert 35 prosent av teimum í aldrinum 18-29 ár eta ofta skerpikjøt.
Tá ið tað kemur til ræst kjøt eru suðuroyingar og sandoyingar frammanfyri øll hini. Heili 32 prosent av teimum í Suðuroy og Sandoy siga, at tey eta ræst kjøt »hvørja viku til 1-3 ferðir um mánaðin«. Í Vágoy er prosenttalið 25,5, í Norðoyggjum 20,1%, í Streymoy (undantikið Tórshavn) 19,6%, í Eysturoy 12,8% og í Havn 11,4%.
##med2##
