Seinasta hálvtannað árið er blaðið Norðlýsið út tvær ferðir um vikuna ? týsdag og fríggjadag. Men nú er hetta broytt. - Vit eru loksins komnir til ta niðurstøðu, at rættast er at hava eina útgávu um vikuna, sigur Oliver Joensen, blaðstjóri í grein í dagsins blaði.
Ætlanin er, at blaðið skal koma út ókeypis til hvørt húski í Norðoyggjum og í Eysturoynni. Kortini verða bløðini løgd út í kioskirnar, soleiðis at fólk hava møguleika at ogna sær eitt eintak av blaðnum nakað fyrri.
Prísurin fyri leysasøluna er settur til 20 krónur fyri eintakið.
- Tað liggur eisini í kortunum at vit fara at menna tíðindaflutningin í Eysturoynni í blaðnum. Meiri verður at frætta um tað seinni, sigur Oliver.
