Tað er stormávaring fyri Ytra, Munkagrunnin, Fugloyarbanka og Íslandsryggin.
Eitt lágtrýst, 955, hPa, í ein útsynning úr Íslandi, fer í ein landsynning vestan móti Hebridunum, meðan eitt lágtrýst, 960 hPa, í ein útsynning úr Føroyum, flytir seg í ein landnyrðing norðan og verður væntandi norðan fyri Føroyar í nátt, haðani tað ferðast vestureftir. Tilhoyrandi brúgvaløg við vindi og kava, vátaslettingi og onkustaðni regni, koma yvir Føroyar úr einum útsynningi og fara framvið oyggjunum sum kvøldið líður. Teimum á baki koma ælini.
Vindurin veksur til skrið ella storm av eystri og landsynningi, skýggjað og avfall av landsynningi, fyrst sum kavi og vátaslættingur, síðani regn. Hitin millum frostmarkið og trý hitastig. Í kvøld snarar vindurin í ein landsynningi og minkar til gul til stívt andøvsgul, tað klárar í sunnan ífrá við skiftandi samdrignari luft, men tó ælingur, partvís sum vátaslettingur ella vátakavi. Hitin millum eitt og fimm stig.
Mánamorgunin verður lot til andøvsgul av suðri, skiftandi samdrigin luft við onkrum æli og hitin millum tvey og fimm stig.
