Tøl hjá hagstovuni í Reykjavik vísa, at síðani miðskeiðis í 2012 eru 2.890 fleiri útlendingar fluttir til Íslands enn úr Íslandi. Ørvísið er við íslendingum, tí í sama tíðarskeiði fluttu 810 fleiri íslendskir ríkisborgarar úr Íslandi enn til Íslands.
Í einari útgreining av hagtølunum sæst, at hvønn einasta ársfjórðing síðani 1. juli 2012 eru fleiri útlendingar fluttir til Íslands enn úr landinum.
Tað eru serliga póllendingar, sum leita sær til Íslands, og síðani ársbyrjan í 2012 eru meiri enn 1.000 pólskir ríkisborgarar komnir hagar, skrivar Morgunblaðið.
Teir flestu íslendingarnir, sum velja at fara av landinum, flyta til Noregs, Danmarkar og Svøríkis.
