Í gjár varð 100-ára føðingardagurin hjá Onnu Poulsen hátíðarhildin á Suðuroyar Ellis- og Røktarheimi, har Anna til dagliga býr.
- Sera nógv fólk vóru komin saman til dagin. Familja var komin uttanlands, og umboð fyri Landsstýrið og Almannaverkið vóru eisini til staðar.
Tað siga tey í Tvøroyrar kommunu í dag.
Lagt verður aftrat, at tað var ein sera stuttlig løta, tá starvsfólk á ellisheiminum sungu ein sang fyri Onnu.
- Hetta var sangurin “Gamla Anna” úr sanginum Lítli Snar, sum tey høvdu gjørt til høvið.
Anita Vibergsdóttir, varaborgarstjóri, segði nøkur orð og handaði Onnu eina gávu vegna Tvøroyrar kommunu.
