- Vit vænta eitt partrolarapar mánadagin og nøkur pør seinni í vikuni. Fiskiskapurin hjá partrolarunum er framvegis smáligur.
Tað siga tey á Fiskamarknaði Føroya.
- Tríggir djúpvatnstrolarar fiska svartkalva, men eru nýliga byrjaðir túr. Tí er ikki væntandi, at teir koma inn at landa fyrr enn síðst í næstu vku.
Fríggjadagin, tá Fiskamarknaður Føroya gjørdi sínar metingar fyri næstu viku, fiskaðu tríggir trolbátar havtasku, og tveir fiskaðu tosk og hýsu.
- Fiskiskapurin hjá trolbátunum er so nøkulunda, og væntandi er, at bátarnir koma inn at landa einaferð miðskeiðis í næstu viku, verður lagt aftrat.
