Í løtuni eru fýra partrolarapør til fiskiskap eftir upsa, og væntandi koma tey flestu inn at landa í næstu viku.
- Eitt par fiskar svartkalva, og tvey pør fiska gulllaks, vita tey á Fiskamarknaði Føroya at siga í dag.
Ein djúpvatnstrolari er á svartkalvaveiði og kemur vænandi inn at landa í næstu viku.
- Ein frystitrolari er eisini í Eysturgrønlandi og fiskar svartkalva, verður lagt aftrat.
Í løtuni er bara ein av teimum smáu trolbátunum til fiskiskap. Teir fáa mest av flatfiski og nakað av toski.
- Hinir trolbátarnir liggja allir við bryggju, men væntandi loysir onkur um vikuskiftið.
