Niklas Simonsen stóð væl í málinum hjá Tønder, ið vann 28-26 á HØJ á heimavølli í Tønder. Í steðginum var Tønder á odda 15-14.
Tønder hevur tryggjað sær í minsta lagið annað plássið í næstbestu donsku hondbóltsdeildini. Bert tveir dystir eru eftir, so tað er næstan givið, at oddaliðið, Fredericia flytur beinleiðis upp. Tønder skal fyrst spæla uppflytingardystir móti nummar trý í deildini. Vinnarin skal spæla móti taparanum av niðurflytingarspælinum í bestu donsku hondbóltsdeildini.
Blaðið, Jydske Vestkysten rósar verjuni og málverjanum hjá Tønder, Niklas Simonsen fyri gott avrik móti HØJ.
Støðan nú bert tvey umfør eru eftir av grundspælinum:
| hbold.dk | dystir | stig | |
| 1 | Fredericia | 24 | 40 |
| 2 | Tønder | 24 | 37 |
| 3 | Sydhavsøerne | 24 | 32 |
| 4 | Skive | 24 | 31 |
| 5 | Ajax København | 24 | 29 |
| 6 | Odder | 24 | 29 |
| 7 | Otterup HK | 24 | 25 |
| 8 | HØJ | 24 | 24 |
| 9 | HEI, Skæring | 24 | 21 |
| 10 | Stoholm | 24 | 20 |
| 11 | Frederikshavn | 24 | 17 |
| 12 | HC Odense | 24 | 14 |
| 13 | Randers HH | 24 | 14 |
| 14 | Køge Håndbold | 24 | 3 |
