Sambært Norðlýsinum hevur leiðslan í KÍ váttað fyri blaðnum, at Justice John Erhenede skal royndarvenja við felagnum komandi tíðina.
Erhenede er úr Nigeria, og hann spælir í løtuni við Kolding, sum spælir í triðubestu donsku deildini.
Talan er um spælara, sum trívist best á veinginum, men hann kann eisini spæla heilt frammi í álopinum skrivar Norðlýsið.
KÍ tykist veruliga hava styrkt um hópin til komandi kappingarár. Atli Danielsen hevur funnið gaggurnar framaftur, og í verjupartinum hevur felagið fingið Mayowa Alli, og Evrard Blé, sum í fleiri ár hevur spælt í Føroyum, skal styrkja um miðvøllin.
