Sakarmálið millum fyrrverandi stjóran í Fiskimannafelagnum, Óla Jacobsen, og Fiskimannafelagið hevur seinastu dagarnar verið fyri rættin.
Málið snýr seg í stuttum um, at Fiskimannafelagið hevur frátikið fyrrverandi stjóranum í Fiskimannafelagnum sína pensjón vegna óloyalitet. Hesum hevur fyrrverandi stjórin, Óli Jacobsen ikki verið samdur í, og hevur tískil stevnt Fiskimannafelagnum eftir eftirlønini.
Les eisini: Har fylgdu ongar treytir við
Fyrradagin og í gjár, vórðu fleiri partar avhoyrdir í rættarmálinum. Fyrrverandi næstformaðurin í Fiskimannafelagnum førdi millum annað fram, at ongar treytir høvdu verið settar Óla Jacobsen viðvíkjandi eftirlønaravtaluna.
Les eisini: Krav at tú ert loyalur
Fyrrverandi forkvinnan í Arbeiðarafelagnum, Ingeborg Vinther, vildi ikki svara beinleiðis upp á óloyalitetin hjá Óla Jacobsen mótvegis Fiskimannafelagnum. Heldur las hon úr reglugerðini fyri pensjón hjá Arbeiðsmannafelagnum, sum umrøður møgiligar fylgjur av óloyaliteti mótvegis sínum arbeiðsgevara.
Endaligi dómurin í málinum verður sagdur 4. januar.
Trýst á pílin undir myndini og hoyr nærri frágreiðing frá okkara reportara úr rættarsalinum, Leo Poulsen.
