Køld luft við ælaveðri streymar inn yvir Føroyar av norðri og útnyrðingi. Mikudagin fer eitt nýtt lágtrýst í ein útsynning úr Íslandi í ein landnyrðing, og nýggj brúgvaløg við regni og vindi nærkast sum frá líður Føroyum. Hósdagin kemur eitt sterkt rák av vestri við ælaveðri.
Veðrið í dag
Strúkur í vindi upp í skrið av vestri, við hørðum hvirlum, 13 til 18 m/s, sum seinni hækkar í ein norðan og útnyrðing og spakuliga makar. Seinnapartin verður andøvsgul upp í ein strúk í vindi, 8 til 13 m/s, í kvøldið gul til stívt andøvsgul, 5 til 10 m/s, og í nátt lot til andøvsgul, 3 til 8 m/s. Sólglottar, men okkurt æl, møguliga við heglingi. Hitin millum 5 og 8 stig. Í kvøld og í nátt okkurt æl og samdrigið. Hitin millum 1 og 8 stig.
Í morgin
Lot til andøvsgul av vestri og útnyrðingi, 3 til 8 m/s, sum snarar í ein sunnan og landsynning og øtlar í andøvsgul upp í ein strúk í vindi, 8 til 13 m/s, í støðum upp í hvassan vind, 15 m/s. Sólglottar, seinni skýggjað og regn. Um kvøldið vindur av útsynningi og tað klárar í, tó okkurt æl. Hitin um 10 stig.
Hósdagin
Strúkur í vindi upp í skrið av útsynningi og vestri, 13 til 18 m/s, við hørðum hvirlum, sum um náttina hækkar í ein vestan og útnyrðing og makar nakað. Ælaveður, møguliga heglingur, men onkrir sólglottar. Hitin millum 5 og 10 stig.
Fríggjadagin
Stívt andøvsgul upp í hvassan vind av útnyrðingi, 10 til 15 m/s, sum makar í gul til stívt andøvsgul, 5 til 10 m/s. Ælaveður, men onkrar løtur við sól kortini. Hitin um dagin millum 5 og 8 stig. Um náttina makar hann vindin í lot til andøvsgul av landnyrðingi, 2 til 6 m/s. Sum frá líður skýggjað og møguliga regn. Hitin millum 1 og 5 stig.
Leygardagin
Lot til andøvsgul av landnyrðingi, sum lækkar í ein sunnan, 3 til 8 m/s. Sólglottar og møguliga okkurt æl. Um náttina øtlar hann vindin í stívt andøvsgul upp í hvassan vind av suðri, 10 til 15 m/s, skýggjað og regn. Hitin um 5 stig.
Sunnudagin
Stívt andøvsgul upp í hvassan vind av suðri, 10 til 15 m/s, eitt skifti upp í skrið, 18 m/s. Út á kvøldið hækkar hann í ein vestan og útsynning og makar í andøvsgul upp í ein strúk í vindi, 8 til 13 m/s. Skýggjað og regn, men út á kvøldið klárar í, hóast okkurt æl. Hitin um dagin millum 7 og 10 stig, um náttina millum 3 og 8 stig.
