Nýggja brasilska superstjørnan skoraði aftur í kvøld fyri Brasil móti Meksiko í Confederations Cup. Brasil vann 2-0 og Neymar legði upp til seinna málið.
Annað umfar í bólkaspælinum í Confederations Cup, sum er í Brasil í hesum døgum, byrjaði í kvøld. Vertstjóðin legði hart út og kundi verið á odda longu aftaná fáar minuttir. Aftaná níggju minuttir kom so hol á. Bólturin bleiv stútaður út frá og har stóð Neymar og meddaði til fyrstu ferð. 1-0 til Brasil, sum helt fram at trýsta.
Miðskeiðis í seinna hálvleiki minkaði trýstið nakað og Meksiko bjóðaði av í hinum endanum. Barsil hevði nøkur mótálop, men uttan at tað veruliga bleiv vandamikið. Móti endanum av dystinum trýsti Meksiko og fleiri ferðir var vandi á ferð, men vertstjóðin slapp snikkaleys .
Í yvirtíðini vísti Neymar aftur bóltførleika á høgum stigi, tá hann rak framvið tveimum verjuspælarum og legði bóltin fyri føturnar á innskifta Jo, sum takkaði fyri og skoraði.
Brasil hevur fult stigatal eftir tveir dystir, meðan Meksiko einki stig hevur. Klokkan 23.00 spæla Italia og Japan.
Confederations Cup 2013:
Brasil Meksiko 2-0(1-0)
1-0 Neymar, 9
2-0 Jo, 92
Brasil:(4-2-3-1)
Cesar - Alves, Silva, Luiz, Marcelo - Luiz Gustavo, Paulinho - Oscar (Hernanes 62), Hulk (Lucas Moura 78), Neymar - Fred (Jo 82).
Á bonkinum uttan at koma inn: Jefferson, Fernando, Dante, Filipe Luis, Jean, Rever, Bernard, Jadson, Cavalieri.
Gul kort: Alves, Silva.
Mexico:(4-5-1)
Corona - Rodriguez, Moreno, Torres (Barrera 70), Mier - Salcido, Torrado (Jimenez 88), Dos Santos, Guardado, Flores (Herrera 68) - Hernandez.
Á bonkinum uttan at koma inn: Ochoa, Reyes, Molina, Reyna, De Nigris, Aquino, Meza, Zavala, , Talavera.
Gul kort: Guardado
Dómari: Howard Webb (UK)
Bólkur A:
1. Brasil 6
2. Italia 3
3. Meksiko 0
4. Japan 0
