Fyri umleið trimum vikum síðani, vann Newcastle sær rættin til at spæla í Premier League komandi ár. Í gjár gjørdu teir so arbeiði liðugt, tá teir tryggjaðu sær gull heiðursmerkini í The Championship.
Newcastle var á vitjan hjá Plymouth Argyle. Fyrst legði Andrew Carroll Newcastle á odda, áðrenn Wayne Routledge skoraði til endaligu støðuna 2-0.
Seinast Newcastle vann næstbestu deildina var í 1993. Tá við Kevin Keegan sum venjara.
