Á fundinum varð roknskapurin 2021 lagdur fram fyri limum felagsins, og hann varð góðkendur.
Seinastu nógvu árini hevur roknskapurin hjá KÍ víst stór yvirskot, men so var ikki í 2021, ið vísir eitt hall upp á 5,4 milliónir krónur.
– Orsøkirnar eru ymiskar, men tað er serliga korona, skipan av akademinum og at besta mansliðið ikki megnaði at vinna sær víðari luttøku í Conference League seinasta summar, sigur KÍ á heimasíðu síni.
– Hinvegin vunnu bæði Betri menn og kvinnur FM, og tað merkir, at tey skulu spæla í Champions League í summar. Hendan luttøka útvega felagnum inntøkur, ið hava við sær, at hall ikki verður í roknskapinum komandi ár.
Nevndin heldur fram og sær soleiðis út.
- Tummas Lervig, Formaður
- Rúni Heinesen, Næstformaður
- Hilmar Danielsen, Kassameistari
- Rói Clementsen, Samskifti
- Kaj Dam, Betri Menn
- Jákup Eydnugarð, Sponsorar
- Eyðstein Poulsen, Akademi
(Kelda: Ki.fo)
