Talsfólkið hjá Michael Jackson sigur, at av tí, at Jackson nú býr í Bahrain, hevur hann avgjørt at senda starvsfólkið á Neverland til hús. Tað er tó almenn vitan, at starvsfólkið er sent heim av myndugleikunum, tí Jackson ikki hevur goldið arbeiðsloysistryggingina fyri starvsfólkini, skrivar Billboard.com. Fólkið, ið ansar djórunum hjá Michael Jackson er enn til arbeiðis, men tað kemst av, at ein djóralækni í grannalagnum hevur sett tey í starv hjá sær.
