»A Faraway Land« er heitið á nýggjum filmi, sum nú er tøkur á Netflix.
Filmurin er tikin upp í Føroyum og snýr seg um eina fløkta kærleikssøgu millum eina gifta filipinska kvinnu og ein filipinskan tíðindamann.
Tíðindamaðurin kemur til Føroya fyri at gera eina sending um filipinskar kvinnur í Føroyum. Tey bæði byrja at fjasast, sjálvt um filipinska kvinnan er gift føroyskum manni.
Hans Tórgarð er ein av leikarunum í filminum, men flestu leikararnir eru útlendskir.
Hevur tú Netflix, so kanst tú síggja filmin HER.
