36 ára gamli fyrrverandi Manchester United-, Real Madrid-, PSG- og Juventus leikarin, Angel di Maria spælir í nátt klokkan eitt, føroyska tíð seinasta landsdystin fyri Argentina.
Talan er um Copa America finaluna móti Kolumbia í Miami í Florida í USA. Argentina er verandi Copa America og heimsmeistari, og hevur eina lítla favorittstøðu móti Kolumbia.
Netflix boðar frá á X - fyrrverandi Twitter - at ein heimildarfilmur er framleiddur um Angel di Maria.
Heimildarfilmurin viðger bæði niðurtúrarnar hjá Angel di Maria, og upptúrarnar, ikki minst við argentinska landsliðnum tey seinnu árini.
Heimildarfilmurin verður tøkur á Netflix 12. september.
Angel di Maria tekur væntandi eitt kappingarár aftrat í portugisiskum fótbólti við Benfica.
