Neistakvinnur hava spælt fyrra dystin í triðja umfarinum í European Cup.
Dysturin var leiktur í portugisiska høvuðsstaðnum, Lissabon móti Benfica.
Benfica vann dystin 34-27. Í steðginum var portugisiska liðið á odda 18-14.
Seinni dysturin, ið tekniskt er heimadysturin hjá Neistanum verður leiktur í morgin klokkan 13.
Benfica-Neistin 34-27 (18-14) - fyrri dystur í 3. umfarinum í European Cup
Neistin: Maria P. Nólsoy 7/11, Sára S. Mikkelsen 5/9, Bjørk F. Joensen 5/12, Hervør Niclasen 3/4, Óluva Rasmussen 2/4, Sólbjørt Høj 2/4, Lea Mørk Mortensen 2/5, Silja Olivia Heðinsdóttir 1/3.
Yui Shibua hevði eitt bjargingarprosent upp á 40, og Silja A. Müller var niðri á 7,7 prosentum, sambært hagtølunum.
