Neistin hevur vunnið á Tjaldrinum og Stjørnuni á heimavølli.
Nú skulu blálittu kvinnurnar úr høvuðsstaðnum royna seg á útivølli móti Tjaldrinum.
Trygvi Mortensen er nýggjur í venjarastarvinum í Runavík. Hann skal nú standa á odda fyri Tjaldrinum fyri fyrstu ferð.
Eitt venjaraskifti plagar at gera mun, og spurningurin er, um kvinnurnarn í TJaldri ikki fáa lyft sítt støði longri upp enn tað hevur verið seinastu dystirnar.
Dysturin verður torførur hjá Neistanum, sum hevur møguleikan at staðfesta, at tær standa einki aftan fyri Stjørnuna, sum er oddalið.
VB í Klaksvík
Stjørnan kann – og er favorittur – at reisa seg aftur sunnudagin.
Greipuvinnararnir taptu á Neistanum týskvøldið, og nú VB vitjar er kravið heilt einfalt tvey stig.
Svein Rógvi Nielsen, venjari, segði í sjónvarpinum í gjár, at tapið fyri Neistanum var eitt spark í afturpartin og ein ávaring, at hini liðini ætla sær at koppa klaksvíkskvinnunum.
Kyndil og VÍF spæla í høllini á Hálsi sunnudagin.
