Neistin og Kyndil skulu innheinta H71 í kvøld

SMS-deildin: Neistin - Kyndil, klokkan 18.30 í Høllini á Hálsi

Tað er sera tætt í oddinum av SMS-deildini áðrenn Neistin og Kyndil bresta saman í Høllini á Hálsi í kvøld.

VÍF, H71 og Kyndil hava tapt tveir dystir í part, meðan Neistin hevur tapt tríggjar dystir í SMS-deildini í ár - teir tríggir ímóti teimum trimum liðum nevnd omanfyri.

Hetta er annar dystur av trimum millum Kyndil og Neistan í grundspælinum, og heldur gongdin fram, kunnu innanhýsis dystir aftur hugsast at verða avgerandi í endaligu støðuni.

Neistin skal meira enn eitt kappingarár aftur fyri at finna seinasta sigurin á Kyndli. Skal tað eydnast Neistanum at koppa Kyndli hesaferð skulu tær bláu halda fram við góðu verjuni í seinastuni saman við Maju Dragobuljovic í málinum.

Lykilin hjá teimum grønu er meinlíkur. Kyndilsverjan og Jovana Stranjanac skulu halda fram við góða spælinum um tað skal eydnast at leggja seg undir liðina á H71 fyri fyrst.

Sí eisini

H71 vann aftur á VÍF

Stjørnan vann seg nærri topp-4

Innanhýsis dystir:

Støðan