Neistin nær við – og tó

Í fyrra dystinum ímóti serbiska oddaliðnum, RK Kolubara, megnaði Neistin at bíta frá sær, so serbarnir bara vunnu við einum máli. Men í seinna dystinum var krútið uppi hjá Neistanum, ið tapti stórt

Hilmar Jan Hansen

16.11.2009 (12:50)

<style type="text/css">  </style>   <p class="MsoNormal">Annað árið á rað var mansliðið hjá Neistanum við í EHF Cup-kappingini, og enn eina ferð megnaði liðið at fáa eitt gott úrslit. Í fjør gjørdist tað til ein heimasigur ímóti RK Lovcen Cetinje, sum var vunnin við einum máli, og hesa ferð var Neistin bara eitt mál frá javnleiki í fyrra dystinum ímóti serbiska RK Kolubara.</p> <p class="MsoNormal">Í dystinum leygarkvøldið, sum formliga var útidysturin hjá føroysku steypavinnarunum, byrjaði Neistin væl og var fleiri ferðir á odda, bæði 5-2, 9-7 og 11-8, áðrenn serbarnir javnaðu til 13-13, tá 10 minuttir vóru eftir av fyrra hálvleiki.</p> <p class="MsoNormal">Eftir steðgin vóru tað serbarnir, ið hildu seg frammanfyri, onkra løtu við fýra málum, men ímóti endanum reistist Neistin aftur og síðsta korterið stóð fleiri ferðir á jøvnum. Men í evstu løtu fekk RK Kolubara avgerandi málið og vann.</p> <p class="MsoNormal">Eingin ivi um, at Neistin við hesum enn eina ferð framdi eitt avrik, føroyskur hondbóltur kann vera errin av. Og hóast úrslitið sunnudagin slett ikki livdi upp til fyrra dystin, so er talan um ein megnar innsats!</p> <p class="MsoNormal"><o:p> </o:p> <p class="MsoNormal">Afturum beinanvegin<o:p></o:p> <p class="MsoNormal">Sunnudagin tóktist onkursvegna, sum var krútið uppi hjá Neistanum, sum ongantíð slapp inn í dystin, men beinanvegin dragnaði og var langt frá at koma upp á javnt, tíansheldur at koma framum.</p> <p class="MsoNormal">Spælararnir hjá RK Kolubara vóru sera kontantir í seinna dystinum, og bara í fyrra hálvleiki fingu teir seks útvísingar, meðan Neistin bara fekk eina. Og tá komið var til hálvleiks, var alt longu avgjørt, tí munurin var átta mál.</p> <p class="MsoNormal">Í seinna hálvleiki fekk verjan betur tak á serbunum, og tað gekst heldur betur. Álopsspælið, ið riggaði væl undan steðginum, riggaði sera væl í seinna hálvleiki, tá Neistin fekk ikki færri enn 18 mál.</p> <p class="MsoNormal">Framvegis var serbiska spælið kontant, men hóast RK Kolubara ofta var í minniluta, tí spælarar vóru útvístir, megnaði Neistin ikki í nóg stóran mun at gera sær dælt av tí, og sostatt gjørdist talan um ein greiðan serbiskan sigur í seinna dystinum.</p>

Neistin nær við – og tó

Mest lisið

Landið letur stuðul til stjórabilar men ikki til avlamisbilar

Myndir: Summarsólstøður í Sandagerði

Eg havi fyrireikað meg at fara úr hesum heimi

Russland er skakað

Rendi á listaverkið í Eysturoyartunlinum

Iran: - Vit eiga framvegis ríkað uran

Myndarøð: Væleydnað trygdarvenjing í Fámjinstunlinum

Eingin tekur Sundabátin

Sílið svimur í flokki fyri seg

B36 beit frá sær í Klaksvík