Neistin setur sínum fjepparum stevnu klokkan 15 skírisdag Kyndlafjepparnir sleppa ikki at halda gang einsamallir til ta fyrstu FM-finaluna millum Kyndil og Neistin í høllini á Hálsi, skírisdag klokkan 17. Neistin ætlar at geva teimum eitt mótspæl, sum munar.
Klokkan 15 skírisdag hevur Neistin upphiting fyri øllum Neista-fjepparum, og verður hendan upphitingin í Neistarúminum.
Hitað verður upp við andlitsmáling, sangi og góðum stemningi, og ætlanin hjá fyrireikarunum er, at øll skulu verða í bláum.
