VB var ósigrað seinastu fimm landskappingardystir, tá Neistin fór suður til Vágs. Høvuðsstaðarfelagið syrgdi hinvegin fyri, at einki er avgjørt í finalustríðnum. VB - Neistin 26-33
Neistin kann ikki nógv fleiri stig, ætlar liðið sær í finaluna. Tað var ein treyt, at tær loystu torføru uppgávuna í Vági til fulnar, og tað eydnaðist. Gestirnir vunnu við sjey málum, og munurin upp til Tjaldur er framvegis tvey stig.
Kyndil - Tjaldur 21-30
Tað varð skjótt bara ein avgreiðsluspurningur, tá Tjaldur vitjaði í høllini á Hálsi. Gestirnir fóru undan heimaliðnum, og seinastu løtuna var spurningurin bara, hvussu stórur sigurin skuldi verða. Tjaldur er fyribils oddalið í SunSet-deildini, men Stjørnan hevur spælt ein dyst færri enn bæði Tjaldur og Neistin.
Dystirnir næsta vikuskiftið:
12. mars: StÍF - Kyndil.
13. mars: Neistin - VÍF
13. mars: Stjørnan - VB
Stigatalvan:
1. Tjaldur - 19 dystir, 30 stig
2. Stjørnan - 18 dystir, 30 stig
3. Neistin - 19 dystir, 28 stig
4. VB - 19 dystir, 20 stig
5. Kyndil - 19 dystir, 14 stig
6. VÍF - 18 dystir, 7 stig
7. StÍF - 18 dystir, 1 stig
