Neistin hevur verið einaráðandi í hesum kappingarárinum. Liðið, sum Ingi Olsen stendur á odda fyri, hevur ikki tapt nakran dyst higartil. Í dag staðfesti Neistin sína støðu sum nógv tað besta liðið í høvuðsstaðnum. Neistin vann grannauppgerðina móti Kyndil í kvøld. Úrslitið varð 33-26.
Neistin legði bragdligari fyri og var á odda allatíðina í einum rótutum dysti. David Edvardsen var serliga eyðsýndur við sínum 10 málum. Jugoslav Djumic var ikki við vegna skaða.
Í Vestmanna vann VÍF við 16 málum á Team Klaksvík. Úrslitið var 40-24.
H71 vann 30-29 á StÍF.
Stigatalvan:
1. Neistin ? 41 stig
2. KÍF ? 26 stig *
3. VÍF ? 23 stig
4. H71 ? 20 stig *
5. Kyndil ? 19
6. StÍF ? 13 stig
7. Team Klaksvík ? 2 stig *
* VÍF, H71 og Team Klaksvík hava spælt ein dyst minni enn hini liðini. Tey hava spælt 20 dystir, og hini hava spælt 21 dystir.
