Kyndil-Neistin 26-27 (10-18)
Leingi var líkt til, at Kyndil skuldi fáa ein ordans frammaná, tá teir áttu heimavøll í fyrstu grannauppgerðini móti Neistanum.
Fyri steðgin var full ferð á teimum bláu, og við átta málum á muni tóktist dysturin nærum avgjørdur í steðginum.
Seinastu 30 minuttirnar kom tó av álvara spenningur í. Kyndil át seg spakuliga inn aftur í dystin, og munurin minkaði í stórum. Eina ferð leyp Neistin tó avstað aftur, men tá Kyndil í seinasta minuttinum skeyt tvey mál og kom upp á javnt, mest sum kókaði høllin í spenningi. Seinasta álopið átti Neistin, og her eydnaðist Róa Hansen at senda bóltin í netið til endastøðuna.
David Edvardsen skoraði 11 av málunum hjá Kyndli í dag. Fyri Neistan skeyt Teitur Magnusson sjey mál.
