Nato skal hava eina herstøð í Enköping í Svøríki.
Svenska ríkissjónvarpið SVT veit at siga, at umleið 70 fólk skulu starvast á støðini.
- Svøríki hevur ein týdningarmiklan leiklut í verju og ræðing.
Tað sigur svenski verjumálaráðharrin, Pål Jonsson, við sjónvarpsrásina.
Sagt verður, at støðin hjá Nato í Enköping skal stýra flyting av herfólki í Norðurlondum.
- Støðin skal eisini stýra herfólki, sum koma úr Norðuramerika í einari møguligari krígsstøðu, verður lagt aftrat.
Síðan Russland leyp á grannalandið Ukraina, eru bæði Finnland og Svøríki vorðin limur í verjusamgonguni, Nato.
