Natasja og Haukar vunnu greiðan sigur á botnliðnum

Haukar mátti vera føroyska landsliðsmálverjan, Anniku Fríðheim Petersen fyri uttan í útidystinum móti Afturelding í bestu hondbóltsdeildini í Íslandi í kvøld.

Natasja Hammer gjørdi sítt við at skjóta fýra mál í greiða 38-28 sigrinum á Afturelding. Longu í steðginum vóru Haukar á odda 21-11.

Ingibjørg Olsen var við í hópinum hjá ÍBV, ið á heimavølli vann ein sera flottan 30-22 sigur á Vali sum er næstfremst í deildini. ÍBV var á odda 15-9 í steðginum.

Ingibjørg var ikki millum málskjúttarnar hjá ÍBV í kvøld.

Leygardagin spælir ÍBV á útivølli móti KA/Þór. Sama dag taka Haukar móti HK.