Tónleikafestivalurin, við Múrin, hevur í dag kunngjørt trý av teimum nøvnunum, sum verða at hoyra í summar.
Millum hesi er Nalja, sum fyri 26 árum síðani sendi sína fyrstu og higartil einastu útgávu á marknaðin. Talan var um føroyskan melodiøsan pop, sum var sera nýskapandi. Fleiri av løgunum hava fingið rættan kult-status síðani, og tí verða tey bæði, Elin og Kári, uttan iva at rokna millum høvuðsnøvnini á festivalinum.
Umframt Nalju verður tónleikabólkurin Steso eisini at hoyra í Kirkjubø. Í løtuni manna Hergeir Staksberg, Unn Kragesten, Filip Mortensen, Andreas Dalsgaard og Karl Stóra bólkin Steso.
