Í gjár var flogferðslan nógv ávirkað av illveðrinum, og hóast flogfør eru lend í dag, so sær út til, at nakrar seinkingar kortini eru í flogferðsluni aftur í dag.
Flogfarið úr Edinburg, sum skuldi lenda klokkan 11.30, lendi klokkan 11.40 í morgun. Flogfarið úr Keypmannahavn, sum skuldi lenda klokkan 12.15, lendi klokkan 12.31. Flogfarið úr Keypmannahavn, sum skuldi lenda klokkan 13.40, stendur til at verða seinkað til klokkan 15.05.
Somuleiðis stendur, at seinna flogfarið úr Keypmannahavn, sum skuldi lenda klokkan 19.45, lendir klokkan 20.15 heldur. Flogfarið úr Keflavík, sum skuldi lenda klokkan 16.05, stendur framvegis til at lenda til tíðina.
