- Seinastu tvær vikunar hava vit verið so heppin at hava havt tveir fittar og raskar næmingar í starvslæru hjá okkum. Teir eita Búi Falkvard Nielsen og Magnus Williamsson.
Tað siga tey á Facebook-vanganum hjá Dímunargarði, har lagt verður aftrat, at starvsnæmingarnir eru úr Sandavági og ganga á skúlanum á Giljanesi.
- Búi og Magnus hava roynt eitt sindur av hvørjum hesar báðar vikunar, teir hava verið her. Teir hava millum annað tikið sær av neytunum; teir hava mjólkað og tikið kálirabirøtur upp.
Á Facebook-vanganum verður sagt at onkur dagur var so mikið góður, meðan starvsnæmingarnir vóru á garðinum, at tað eydnaðist at savna fylgið á oynni.
- Vit takka fyri vitjanina og ynskja Búa Falkvardi Nielsen og Magnusi Williamsson alt tað besta, siga tey á Dímunargarði.
##med2##
