Fimta umfar í næstbestu fótbóltsdeildini verður seinnapartin. Harvið verður sjøtul settur á eitt rættiligt tørn í hesi deildini. Sætta umfar verður mikukvøldið, sjeynda umfar verður annað mikukvøld, og so verður aftur spælt annan leygardag.
EB/Streymur hevur fulla úrtøku undan fimta umfari. Teir næstbestu í NSÍ høvdu undan síðsta leygardegi fulla úrtøku, men í fjórða umfari vann 07 Vestur í Runavík og lyfti seg harvið fram á næstfremsta plássið. Í dag skal NSÍ royna seg við Margáir.
07 Vestur er á uppflytingarplássi. Vágamenn eru á veg um Skopunarfjørð. Talvan sigur, at 07 Vestur er favorittur ímóti B71, sum við sigri á Argjum síðsta leygardag vann fyrstu stigini. Í fjør var 07 Vestur eisini favorittur á Sandi, men tá endaði tað málleyst.
FC Suðuroy hevur vunnið tríggjar ferðir og spælt javnt á útivølli ímóti 07 Vestur. Longu klokkan 12.30 verður fyrsta bríksl í Gundadali, har Giza/Hoyvík er vertur fyri FC Suðuroy. Giza/Hoyvík hevur einki fingið burturúr tveimum teimum seinastu ferðunum. Síðsta leygardag legði liðið rygg til 5-1 tap við Margáir.
Tvey lið bíða framvegis eftir at vinna fyrsta stigið. Annað er HB, sum í dag eigur heimavøll ímóti grannunum í AB, og hitt er Víkingur, sum eigur heimavøll ímóti grannunum í KÍ.
Víkingur-KÍ: Bjarki Danielsen kl. 15.00
EB/Streymur-NSÍ: Eiler Rasmussen kl. 16.00
Giza/Hoyvík-FC Suðuroy: Johan Petur Michelsen kl. 12.30
HB-AB: Rúni Gaardbo kl. 15.00
B71-07 Vestur: Bent Tommy Linklett kl. 15.30
Støðan undan fimta umfari
EB/Streymur 12
07 Vestur 10
FC Suðuroy 10
NSÍ 9
Giza/Hoyvík 6
KÍ 6
AB 3
B71 3
HB 0
Víkingur 0
