Eftir at Andreas F. Hansen og Sophus Dahl Christiansen seinastu 3 kappingarárini hava staðið á odda fyri Kyndilskvinnunum, hevur Andreas F. Hansen valt at takka fyri seg.
Nýggja nevndin í Kyndli hevur afturat Sophusi Dahl Christiansen heitt á Christoffur Gert Nielsen at vera hjálparvenjari.
Christoffur hevur verið ungdómsvenjari í fleiri ár, bæði í Kyndli og í Danmark, og hevur tikið divisiónsvenjaraútbúgvingina hjá DHF.
Nevndin sær fram til eitt gott og spennandi kappingarár við hesum nýsamansetta venjaratoyminum.
