Tað heldur Føroya náttúru- og umhvørvisverndarfelag (FNU), ið sóknast eftir, at aktørarnir í ferðavinnuni taka meira ábyrgd fyri umhvørvinum.
Theresa Jákupsdóttir, talskvinna fyri FNU, vísir á, at økta talið á ferðafólki merkir størri CO2 útlát, tí at talið á flogferðum økist samstundis.
Harumframt vísir hon á, at at vit vita ov lítið um avleiðingarnar fyri føroysku náttúruna av øktu ferðavinnuni.
- Vit halda, at ferðavinnan kundi verið meira proaktiv í at stuðla lokalum kreftum í at verja náttúruna og umhvørvið, sigur Theresa Jákupsdóttir.
FNU metir ikki, at tað er ráðiligt at økja um ferðavinnuvirksemið í Føroyum í løtuni, og neyðugt er við náttúrumargfeldislóg, áðrenn ferðavinnan skal gerast ein størri partur av føroyska samfelagnum.
Les meira um hvat FNU heldur um ferðavinnuna í Vikuskiftissosialinum, ið kann lesast á netinum her.
