Small Town Strangers er nakað av tí besta vit hava hoyrt frá Messell, síðan hann fór at royna seg sum einstaklingur eftir tvær fløgur við Maður:Glotti. Lagið er heitt og vakurt, og liggur væl til røddina hjá Messell, sum í støðum kann minna um Mold og The Reverends sangarin Niclas Thorsteinsson.
Lagið hevur ein dám, ið best kann lýsast sum føroyskt/amerikanskur. Hesin sami dámur, sum t.d. fløgan hjá Present Past hevði. Á tremur við amerikanskum soundi, ið tó er so sera føroyskt. Stak sjarmerandi og fellur væl í oyra.
Sunnudagin spælir Messell konsert á Nørlund Slot, sum ein partur av norðurlendska listadegnum, har í list av ymiskum slagi verður víst fram. Tiltakið er ókeypis og er sunnudagin frá kl. 11 til 16. Sambært heimasíðuni hjá Messell spælir hann kl. 11.
Messell er á myspace.com/messell og songsbymessell.com
