Formil 1
Michael Schumacher koyrdi fyrstu um málstrikuna í kinversku formil 1 koyringini, beint í hølunum á honum var Fernando Alonso, og eru teir tí heilt javnir í kappingini um HM við 116 stigum hvør. Við Renault liðfelaganum hjá Alonso á triðja plássi kom Renault aftur framvið Ferrari í kappingini um HM fyri lið, men við 179 stigum móti 178 stigum til Ferrari er eisini tætt í hesari kapping.
Kinverska formil 1 koyringin byrjaði í regni, og Alonso koyrdi skjótt eitt stórt glopp niður til liðfelagan Fisichella, ið lá sum bremsa millum Alonso, Honda bilarnar, Kimi Räikkönen og Michael Schumacher. Michelin dekkini vóru nógv sterkari fyrstu løtuna. Við 13 umførum koyrdum var gloppið millum Alonso og Schumacher á 6. plássi 25 sekund.
Men tá var blivið somikið turt, at Bridgestone dekkini gjørdust betru dekkini, og ein fyri og annan eftir koyrdi Schumacher framvið kappingarneytunum. Fyri Alonso gjørdist løtan millum fyrsta og annað pittsteðg heilt galin, við skeivum vali av dekkum raplaði Alonso aftur eftir, men kom síðan fyri seg eftir annan pittsteðg, og endaði uppi á øðrum plássi.
Henda koyringin vísti í størri mun enn nakrantíð áður hvussu stóran týdning dekkini hava í nútímans formil 1. Einans ein av 12 teimum fremstu bilunum í tíðarkoyringini hevði Brigdestone dekk, tað var Michael Schumacher á 6. plássi. Í nógva regninum leygardagin var Michelin nógv betra dekkmerkið. Tað sama var galdandi í byrjanini av koyringini, men í hálvturra veðrinum vóru Bridgestone dekkini tey betru.
Alla koyringina vóru tættir nærdystir og nógvar yvirhálingar, stutt sagt var koyringin ómetaliga spennandi. Í allar seinasta svinginum, gjørdist dekan ov spennandi. Christian Albers og Takuma Sato høvdu ov nógv um at vera við sínum innanhýsis dysti, og endaðu við at forða Nick Heidfeld á fjórða plássi, ið royndi at koma framvið teimum enn eitt umfar. Teir forðaðu somikið illa, at báðir Honda bilarnir sluppu framvið Heidfeld, og í ruðuleikanum varð hann árendur av Rubens Barrichello.
Eftir koyringina varð Takuma Sato diskvalifiseraður fyri hendingina, og Christian Albers fekk 25 sekund løgd afturat síni tíð.
Úrslitið í Kina
1 Michael Schumacher - Ferrari 10 stig
2 Fernando Alonso - Renault +3.1 sekund 8 stig
3 Giancarlo Fisichella - Renault +44.1 sekund 6 stig
4 Jenson Button Honda +72.0 sekund 5 stig
5 Pedro de la Rosa - McLaren-Mercedes +77.1 sekund 4 stig
6 Rubens Barrichello - Honda +79.1 sekund 3 stig
7 Nick Heidfeld Sauber - BMW +91.9 sekund 2 stig
8 Mark Webber Williams - Cosworth + sekund 1 stig
9 David Coulthard - RBR-Ferrari + sekund
10 Vitantonio Liuzzi - STR-Cosworth +1 umfar
11 Nico Rosberg - Williams-Cosworth +1 umfar
12 Robert Doornbos - RBR-Ferrari +1 umfar
13 Robert Kubica - Sauber-BMW +1 umfar
14 Takuma Sato - Super Aguri-Honda +1 umfar
15 Scott Speed - STR-Cosworth +1 umfar
16 Christijan Albers - MF1-Toyota +3 umfør
17 Sakon Yamamoto - Super Aguri-Honda +4 umfør
Givin Ralf Schumacher - Toyota +7 umfør
Givin Felipe Massa - Ferrari +12 umfør
Givin Jarno Trulli - Toyota +18 umfør
Givin Tiago Monteiro - MF1-Toyota +19 umfør
Givin Kimi Räikkönen - McLaren-Mercedes +38 umfør
HM
fyri koyrarar
1
Michael Schumacher
Týskland
116
-
Fernando Alonso
Spania
116
3
Giancarlo Fisichella
Italia
63
4
Felipe Massa
Brasilia
62
5
Kimi Räikkönen
Finnland
57
6
Jenson Button
Ongland
45
7
Rubens Barrichello
Brasilia
28
8
Juan Pablo Montoya
Kolumbia
26
9
Nick Heidfeld
Týskland
22
10
Ralf Schumacher
Týskland
18
11
Pedro de la Rosa
Spania
18
-
David Coulthard
Skotland
14
13
Jarno Trulli
Italia
12
14
Jaques Villeneuve
Kanada
7
-
Mark Webber
Avstralia
7
16
Robert Kubica
Póland
6
17
Nico Rosberg
Týskland
4
18
Christian Klien
Eysturríki
2
19
Vitantonio Liuzzi
Italia
1
HM
fyri lið
1
Ferrari
178
2
Renault
179
3
McLaren-Mercedes
101
4
Honda
73
5
Sauber BMW
35
6
Toyota
30
7
Red Bull Racing Ferrari
16
8
Williams-Cosworth
11
9
STR-Cosworth
1
