Klaksvíkingar, sum fyri fyrstu ferð nakrantíð, spæla við sínum besta liði í næstbestu fótbóltsdeildini, hava fingið fýra stig fyri tveir teir fyrstu dystirnar í kappingini í ár.
Nú bíðar stóra uppgávan ímóti oddaliðnum í 1. Deild, HB, sum er einasta liðið við fullum stigatali eftir fyrstu tvey umførini.
HB setti seinast TB upp á pláss, og nú fáa klaksvíkingar høvi at vísa, um teir veruliga ætla sær uppflyting til bestu deildina í ár. Dysturin millum KÍ og HB verður spældur í Klaksvík leygardagin klokkan 15.00.
TB fær hetta vikuskiftið vitjan av EB/Streymi, 07Vestur spælir ímóti AB á heimavølli, og FC Hoyvík skal vitja hjá Víkingi. Seinasti dysturin er ímillum grannarnar B68 og NSÍ.
rolant@sosialurin.fo
