leikaraprát
Seinasti leikarin, sum varð tikin í landsliðshópin undan Skotlandsferðini var Tór-Ingar Akselsen úr HB. Hetta kundi kanska bent á, at hann var 16. leikarin í røðini, men hvussu var og ikki, so fekk hann møguleikan í báðum dystunum.
Og tað var eisini sjónligt, at Tór-Ingar var fegin um hetta, tá vit eftir dystin mikukvøldið fingu orðið á hann.
- Tað hevði eg so slettis ikki roknað við. Eg fekk jú boðini kvøldið fyri, at vit fóru til Skotlands, og at eg so skuldi verða skiftur inn báðu ferðirnar taki eg sum eitt stórt heraklapp. Nakað sum veruliga eggjar til at koyra enn meira á framyvir.
Og at fyrsti landsdysturin hjá tær skuldi verða framman fyri nærum 41.000 áskoðarum. Hvussu kendist tað.
- Tað var heilt fantastiskt. Tá tú kemur inn á vøllin, er tað onkursvegna ikki nakað, sum man hugsar so nógv um, men alt undan hesum var ein ótrúlig uppliving. Hatta var eitt ótrúliga flott show úr enda í annan, og tað var bara heilt stuttligt, at eg soleiðis kundi gerast ein partur av tí, segði Tór-Ingar Akselsen at enda.
