Fyrst í vikuni vóru fimm partrolarapør til fiskiskap, og væntandi komu tey øll inn at landa fyrst í hesi vikuni. Sagt verður, at fiskiskapurin eftir upsa hevur verið vánaligur í eina tíð.
Tveir djúpvatnstrolarar vóru eisini til fiskiskap fyrst í vikuni. Teir fiska eftir kongafiski vestanfyri. Ætlandi landa eisini djúpvatnstrolararnir hesa vikuna, nú jólini eru nær.
Teir smáu trolbátarnir liggja allir við bryggju.
Á Fiskamarknaði Føroya vita tey at siga, at eitt garnaskip, sum fiskar svartkalva, landaði fyrst í hesi vikuni, og sama er við garnaskipi, sum fiskar havtasku.
- Bæði garnaskipini hava í seinastuni havt brúkiligan fiskiskap, vita tey á Fiskamarknaði Føroya at siga.
