Arbeiðið at orða eina kunngerð um royndaruppboðssøluna hevur tikið nakað av tí, men nú verður kunngerðin send til hoyringar.
Løgtingið samtykti í apríl, at ein partur av veiðurættindunum skulu seljast á einari royndar uppboðssølu.
Talan er um 20.000 tons av svartkjafti, 9.000 tons av makreli, 4000 tons av norðhavssild og 3000 tons av botnfiski í Barentshavinum.
Tað eru bert tey, sum hava veiðuloyvi, sum fáa møguleika at bjóða uppá kvoturnar.
Í kunngerðini stendur, at rættindini verða seeld á fleiri uppboðssølum og tað verður gjørt uppá tveir ymiskar mátar.
Annar mátin er, at rættindini verða seld á auktión hjá Føroya Fiskamarknað. Hetta var eisini gjørt, tá ið uppboðssøla var roynd í 2011.
Hin mátin er, at møguleiki verður at lata boð inn í afturlatnum brævbjálva. Tann vinnur tá rættindini at fiska, sum hevur besta boðið.
Hoyrignsfreistin hjá vinnuni, tá ið tað snýr seg um fiskivinnu, er í minsta lagi 14 dagar.
Tað er landsstýrismaðurin við fiskivinnumálum, Høgni Hoydal, sum endaliga lýsir kunngerðina um uppboðssølu.
