Nú kunnu danir loksins sjálvir avgera, um teir skulu í hálvfinaluna í EM-hondbóltskappingini. Ta støðuna komu teir í, tá Pólland fyri løtu síðani vann ein sera spennandi fyst ímóti Týsklandi við 33 málum ímóti 32. Hálvleiksstøðan var 18-17 til Pólland.
Fyri danir var tað umráðandi, at Týskland ikki vann, tí so hevði Danmark mist møguleikan at sleppa í hálvfinaluna. Nú kunnu danir tryggja sær pláss í hálvfinaluni við at vinna á svium. Tann dysturin byrjar kl. 17.15 og verður uttan iva spennandi, tí tað eru dystir millum Danmark og Svøríki vanliga.
Í bólki 2 er eisini ein dystur spældur. Hann var millum Frakland og Ísland, og hann endaði við javnleiki 29-29. Hálvleiksstøðan var 15-12 til íslendingar.
